Pet Max 終於可以同朋友仔玩啦 !

Niza 五個月大啦. 但係一直都識唔到朋友仔喎.
梗係啦, 成日一見到朋友仔就撩狗哋玩打交,
又撲, 又咬, 又抓, 又吠咁. 係狗都怕咗佢啦.

今日係 PetMax 終於見刻佢可以開開心心咁同
啲朋友仔玩啦, 感動到呢....

其實佢一入場嘅時候都係撩狗哋打交架,
見到狗哋怕帕醜醜咁就最興奮,
直情起勢追追追, 嚇到狗哋要跳番主人度.

咁典解後尾又可以同啲狗哋玩倒呢?
一句講哂咪 "一山還有一山高" 囉.
Niza 追追吓狗哋嗰時, 突然有隻 Poodle 入咗嚟,
Niza 照樣走去追啦, 但係今次狗哋非等閒,
無論身形, 跳躍力, 牙力都係 Niza 升呢版.
結果呢......梗係俾狗哋追番轉頭啦.
仲迫到 Niza 貼住咗度門度添 !

俾狗哋教訓完, 跟住 Niza 就好似開始知分寸啦,
無亂咁追追追, 咬咬咬同吠吠吠.
正正經經同啲朋友仔打招呼同玩.

呵呵呵, 唔通真係唔痛唔得大 ??

Niza: 驚驚呀! 等我上滑梯避避先.......