頑劣嘅學生 !!

尋日帶 Niza 去 SPCA 上堂,
果然如我所料, Niza 一入到課室,
睇佢好似由心度笑出嚟咁....

跟住就抱都抱唔住起勢咁掙扎, 俾 treats 佢個為食妹,
竟然蘇都唔蘇, 不停喺度發出啲嗚嗚聲, 鶯鶯聲,
當然唔少得嘅就係好似吹雞咁響嘅吠聲啦.

做乜咁與奮呢? 梗係啦, 終於有幾隻狗同學可以
同佢玩打交啦嘛....

一放繩呢, 佢就好似癲咗咁
係咁一野就飛撲去啲同學仔度, 仲要唔大隻唔撲,
攪到唔單只狗狗怕咗佢, Miss 都頂佢唔順要佢面壁...
跟住直頭要罰佢出課室添...

咁頑劣嘅學生, Miss 都話少有...