嘩! N年無見囉! 不過感覺仲係咁型仔.
真係要幫佢影番張玉照先得...
Fujica STX-1N, 50mm f1.9 仲有支 Ozunon 70-200mm
仲有個好多好多年前嘅百記相機袋.
依家帶佢出街應該都幾型吓架....如果仲 work 嘅話.
中一, 中二嗰時學影相就係佢陪住我架喇.
除咗自動測光之外, 全手動. 當然嗰時係用 film 啦.
用佢嚟影相呢...要先校快門, 然後光圈, 然後手動對焦....
記得要拉菲林, 然後先可以按失打 (shutter)....咔刷咁.
好掛住佢個裂像對焦呢, 用到最熟嗰時, 真係唔比依家十九幾點
自動對焦慢架.
不過最懷念始終都係拉菲林個吓, 以前同啲朋友仔鬥快添.
好有快槍手 feel 架真係...咔刷咔刷咔刷咁....當然係無菲林先咁玩啦.
諗番都幾攪笑.
早幾年玩番相機嗰排都曾經想出番部 classic 嘅全機械 Nikon FM2 架.
不過原來呢啲機都上哂神檯, 用得嘅都唔慌平.
所以呢, 時代真係只有向前行, 呢排最有與趣嘅就係佢喇.
真係同以前啲唔一樣囉.
真係好有型喎~ 我覺得菲林機最正就係快門嗰下咔刷聲好真實
回覆刪除雖然我細個用嘅係傻瓜機...
[版主回覆05/19/2010 22:29:00]係呀, 啲人成日想聽番嗰啲機械快門聲, 有 feel 喎. 好似火機要聽 番 Dupont 聲一樣咁囉.
嘩!簡直係珍藏 , 有冇check 過有冇發霉ar , 如果仲keep 得靚仔就真係要好好保存lor . 我個人覺得菲林機影相真係技術考驗, 要影得好就必需要有耐性, 仲要慢慢去捕捉, 衣家ge數碼機可以連續快拍, 一下子已經影低百幾張慢慢挑選, 又可以後期製作同加工..... 諗諗下如果仲有部大底(120菲林)機仲勁... 簡易無敵..
回覆刪除[版主回覆05/19/2010 22:35:00]太遲囉....鏡同機入面都發哂 ! 嘩! 有與趣玩大底.....Pentax 出咗部 645D 啱你喇
菲林機D相真係幾靚㗎，越嚟越貴添～～我覺得好型㗎，下次借嚟比我掛住影張相得唔得先 ？ 你買咗SONY？ D相得唔得呀？
回覆刪除[版主回覆05/19/2010 22:45:00]我都想公諸同好, 但佢英雄遲暮, 發咗霉囉. Sony 部 NEX 5 啱啱 annouce, 要六月底先有真機, 到時睇吓啲 review先. 啲相得唔得就未知, 不過個樣就幾得吓