嘩! N年無見囉! 不過感覺仲係咁型仔.
真係要幫佢影番張玉照先得...
Fujica STX-1N, 50mm f1.9 仲有支 Ozunon 70-200mm
仲有個好多好多年前嘅百記相機袋.
依家帶佢出街應該都幾型吓架....如果仲 work 嘅話.
中一, 中二嗰時學影相就係佢陪住我架喇.
除咗自動測光之外, 全手動. 當然嗰時係用 film 啦.
用佢嚟影相呢...要先校快門, 然後光圈, 然後手動對焦....
記得要拉菲林, 然後先可以按失打 (shutter)....咔刷咁.
好掛住佢個裂像對焦呢, 用到最熟嗰時, 真係唔比依家十九幾點
自動對焦慢架.
不過最懷念始終都係拉菲林個吓, 以前同啲朋友仔鬥快添.
好有快槍手 feel 架真係...咔刷咔刷咔刷咁....當然係無菲林先咁玩啦.
諗番都幾攪笑.
早幾年玩番相機嗰排都曾經想出番部 classic 嘅全機械 Nikon FM2 架.
不過原來呢啲機都上哂神檯, 用得嘅都唔慌平.
所以呢, 時代真係只有向前行, 呢排最有與趣嘅就係佢喇.
真係同以前啲唔一樣囉.
..........
