步入深淵...

呢期新任"毒王"發功呀 !
佢啲毒物由"吾白啲"開始, 之後 "小小白", 最後 "漆啲"...
睇嚟 "無敵兔" 都就快出籠.....
散出嘅毒氣令越嚟越多朋友不知不覺, 相繼中毒...

中咗毒點算? 當然要買番啲解藥, 好似"吾唔靈"咁啦.
但大家有所不知, "吾唔靈"呢啲所謂解藥,
其實係藥引嚟, 不過唔係解藥引, 係毒藥引 !
佢會引人一步步走入深淵.....

對呢啲中咗毒嘅朋友, 除咗幫佢哋祈吓禱,
都以過來人身份分享下啲毒物嘅煮理,
等大家步入毒海都有啲舊路行吓, 唔使盲中中.

買咗藥引, 好多時啲朋友就忍唔住要再入啲
劇毒無比嘅 "小三元", "大三元"...
但唔忍得都忍忍先, 因為啲毒物要小心處理至得架.

頭兩樣嘢: 防潮同清潔 !

除非你啲毒好快散, 如果唔係防潮呢樣嘢真係唔少得.
一步到位就最好用防潮箱啦, 細嗰啲仟零二仟都有.
唔係防潮膠箱同防潮珠都洗得架, 有啲可以 re-cycle 用添.
不過要間唔中 check 住囉, 我就覺得煩啲啲.

至於清潔用品....都係嗰啲, 除両啦. 不過千祈, 千祈唔好用啲
會甩毛嘅, 唔係分分鐘要入廠....啲毒物.

之後睇吓你想點玩啦, 不過腳架閃燈都係遲早要架啦.

都係嗰句, 最好一步到位啦, 即係 580EX 嗰啲啦.
反正錢相差唔多, 重又唔係重好多, 但 power 勁啲.
幾個朋友一齊又可以玩吓飛燈. 好過癮架.

腳又係啦, 一步到位好啲. 初初玩可能覺得仟幾二仟隻腳好貴.
不過毒發上腦最後都係會買架, 一步到位就唔使好似我咁儲腳啦.

再嚟啲大毒物...鏡, 呢啲嘢, 慢慢儲又得, 一步到位又得, 各有樂趣..

最後....啲毒物都係硬件嘢, 越吸越多係幾過癮,
但係千其唔好流於器材先決. 毒功高者拈花呼氣皆毒,
毒力唔在於手中毒物....

最後最後....凡吸毒者, 好自為之....