令我諗番自己啱啱玩單鏡機嗰時都係咁, 所以想係度分享吓啫.
初時玩儍瓜機嗰時, 主要都係影吓啲 snap shot, 記錄吓日常生活咁,
間唔中影到幾張靚靚哋嘅相已經覺得唔錯. 以為單鏡機都係咁啦,
點知用儍瓜機方法影嗰啲相, 硬係覺得唔多 O 咁. 到底係乜嘢問題呢?
後來睇吓啲入門書先發覺有啲基本嘢真係要留意吓, 影出嚟啲相先叫好少少.
你估吓我覺得最最基本嘅係乜呢? .......係水平呀 !
好多人一講入門基本, 通常係構圖, 但係如果水平唔得就乜都係假.
好似下面呢啲旅行相, 水平一有問題就感覺怪怪, 一比較就知.
至於構圖, 當然各師各法啦. 不過我自己就覺得九宮格應該最簡單
同最易掌握. 原理唔講啦, 簡單應用方法就係將相片嘅重點放係九宮格
入面嘅交义位. 理論上咁樣會感覺最自然. 最有 feel.
初玩單鏡機可以留意吓上面兩點先, 慢慢先再玩啲複雜嘢.
最後想講吓啲業餘 Model好似我咁啦. 通常啲人影我嗰時,
我係會一碌木咁唔知點擺 Post. 唉, 又唔係吳彥祖, 一碌木咁緊係唔好睇啦.
其他朋友, 尤其男仕通常都有呢個問題. 所以通常我會影啲朋友
做緊嘢嘅樣, 好似笑緊, 放緊狗, 食緊嘢, 望緊嘢, hea緊, 影緊相.....嗰啲.
雖然未必靚, 但呢啲相多數比較自然討好.
鐘意影人嘅可以研究吓.
講住咁多先. 希望幫到下手啦.
. 所以去到邊度有時都會有啲貓貓狗狗走埋嚟.
