2012年夏天 西班牙遊記 (Day 3)

等三日   又係 hea 到晏晝先正式起行，今日係目的地就係 Toledo 喇。

一入城就見到佢喇。佢係乜嘢嚟嘅呢﹖都係唔好問我喇。
見佢幾靚所以幫佢影幾張相啫
  

入到城又真係幾靚架。啲西班牙人真係好有閒情逸致。個個騎樓都布置得好靚﹗

  

一路行一路 snap 吓....
          

然後行行下就見到 Calle Chapineria 喇。

  

幫阿 Za 照番張相先。


再影吓呢度影吓嗰度...

 


    

     

         

 

 

行到最後，當然最重要食番餐好架啦! Yeah ! 又係酒呀

長 mo look ﹗

Niza: 有姨姨話好耐冇見過我個樣，咁就 po 個長 mo look 俾姨姨睇吓啦﹗
不過唔好問我睇唔睇到嘢喇

好彩今日 Carol 姐姐會嚟同我攪攪佢。Yeah ﹗唔知今次個夏天 look 會點呢﹖
如果靚仔嘅話聽日就 po 出嚟啦

2012年夏天 西班牙遊記 (Day 2)

第二日  迪迪尼堡壘 Day Trip


Hea 吓 Hea 吓到下晝先趕去車站。目的地就係 Segovia

喺車程度見到西班牙個藍天真係靚到無朋友架

    

之但係天有不測之風雲，去到目的地竟然....落雨 ﹗

落雨都要行嘅....
呢個目的地嘅第一個景點就係.....

睇唔睇到呀....

.....
...
..
.

就係偉大嘅 羅馬水道橋 喇﹗

行咗一輪就去第二個景點喇....又睇唔睇到呢今次﹖

就係 大教堂喇﹗佢係好似係西班牙最後一個哥德式嘅大教堂嚟架。

  


雨，仲係間唔中落吓咁。
   

好彩行行下陽光又出番嚟喇﹗

登登登登....今次主要嘅目的地到喇!
佢就係 迪迪尼城堡 喇!

佢靚唔靚仔呢﹖

 

 

 

景點行完就幾大都要嘆吓﹗呢個鎮其中一個 Selling point 就係乳豬喇。 正正正 ﹗

 

臨尾補番張藍天白雲嘅水道橋喇﹗

損手...

Niza 學人炒股咩﹖做乜攪到損手呀﹖
緊係唔係啦﹗係真係損手呀﹗
因乜解救攪到咁核突呀﹖

     

咪又係 Niza 囉﹗佢好鬼鍾意玩手，但係又鬼咁大力，咪成日攪到我隻手咁囉。

我知我扺死。但係見佢玩得咁開心，又唔啥得唔同佢玩。
真係可憐天下父母心囉...

Niza: 唓﹗呢啲叫做一個願打個願捱啫﹗

老豆：

天氣好，心情好﹗

最近太陽伯伯鐘意喺假期出遊，攪到 Niza 幾個星期都無得行街街。
雖然有探吓啲朋友仔，但係無得曬吓太陽始終無咁 Like。

今日終於可以俾 Niza 行吓同曬吓，睇吓 Niza 幾 happy ﹗



Niza: 你就 happy ，我行到伸哂脷喇﹗熱死辣辣走去曬太陽，儍咗咩﹗
咁嘅天氣緊係留喺屋企涼冷氣啦﹗

....似乎 Niza 永遠都識嘆過人

2012年夏天 西班牙遊記 (Day 1)

第一日 馬德里市內亂逛


因爲香港無直航去馬德里，所以要係荷蘭轉機。
呢張相一望就知係阿姆斯特丹機場啦﹗

呢架就係馬德里嘅地鐵喇。轉咗三次車先出到市區太陽廣場。

馬德里地標 藍莓樹與熊。 嘩﹗個天藍到呢﹗

皇宮啊﹗啲人話西班牙啲冶安唔係咁好，不過喺馬德里啲景點都會有警察，所以對遊客嚟講都好安全。

第一餐 在火腿博物館 Jamon de Museo。啲火腿十分正，配埋杯水果酒 Sangria，真係 wonderful ﹗
不過好貴，呢碟雙併要成 14 Euro，差不多百四港紙。仲要企係度食，無位坐咖。

行行吓仲見到 Niza 啲朋友仔呢。

啡咗﹖

尋日 Nize 同番茄，薯仔，Fergie，Bailey 哋食飯。
一上到番茄屋企，Fergie 媽就話：「咦﹗Niza 啡咗咁嘅﹖」

奇怪，通常啲 Poodle 都係大吓大吓會淺色咗，做乜 Niza 咁得意呢﹖

睇真啲，原來 Niza 有兩種毛毛，一種長啲，粗啲同啡啲，另一種短啲，幼啲同淺色啲。
Niza 今次耐咗未剪毛，啡色嗰啲就生得越來越長，所以望落咪啡咗咁囉。