行硬地 Happy 好多﹗

早兩日同阿 Za 行街街，唔係行山，係行馬路邊。
但係呢隻臭 Za 唔知點解好似 Happy 好多咁噃，笑哂咁。

  

睇吓，行行吓重要整個 Chok 樣添﹗

Niza: 我係咪好 Chok 呢﹖



喂喂喂，Chok 得滯會俾人話 Hill 架﹗

Niza: 唓﹗呢啲叫天生麗質難自棄呀﹗你都唔識嘢嘅。

唔 Like 行山嘅阿 Za

阿 Za 其實都幾奇怪。
由細到大都同其他狗狗有啲唔同。
 
睇吓呢張相先...

有冇留意到阿 Za 個樣呢﹖
係囉，嘴扁扁咁囉，條尾尾縮埋咗囉。

其實我都唔係好知點解。
唔知係咪 Za Za 唔鐘意行山呢﹖

其他狗狗都好鐘意呀噃。真奇怪。

Chok !

有時覺得阿 Za 呢隻嘢都幾 Chok

睇吓今次剪完毛個樣...係咪呢﹖

阿 Za 竟然有嘢唔食﹗

Niza 由細到大都係一隻爲食狗。
乜嘢人食得嘅嘢俾佢都無任歡迎。

見到你食嘢嗰時佢就會「儀椅吟吟」
叫你俾佢食架喇。

不過呢日發現 Niza 竟然會有嘢唔鐘意食。

係乜呢﹖


睇吓佢個様，望嚟望去都無反應。


呢様嘢就係....


仲有一樣，比較好啲，Niza 都會試吓....

 
但係個樣....好勉强咁囉。最後都係無興趣。

呢樣嘢就係...

魔鬼 Niza

呀 Za 呢張相係咪好有魔鬼 feel 呢 ﹖

因乜解救由可愛小狗變咗做魔鬼呢 ﹖



....因爲玩緊我隻手囉﹗

依家知道點解我隻手成日都咁傷喇

至愛玩物

呀 Za 啲玩具一屋都係。
你估佢最鐘意玩乜吖﹖

我隻手﹖....都係嘅。
咁第二鐘意呢﹖

睇吓啲相，估唔估到呢﹖
  

   

冇错喇﹗呀 Za 呢排最鐘意嘅就係...廁紙筒喇。

你睇吓佢玩廁紙筒嗰時個樣幾邪惡﹗

 

一陣間就將佢粉碎哂架喇﹗

   

Niza: 我係咪好勁呢﹖

Niza 伏匿匿

「Niza 呢﹖Niza 去咗邊呀﹖」

呢個問題喺屋企日日都有人問一兩次。

點解呢﹖

因爲 Niza 鐘意玩伏匿匿囉﹗

Niza: 睇吓我匿得幾埋，有人入厨房先會見到我架咋﹗

  

我仲識匿埋係 Cushion 底添架﹗

嘩﹗你咁大個 Pat Pat 唔好亂咁坐落嚟呀﹗

高度專注﹗

上星期六又有得同番茄佢哋食飯﹗好 Happy 呢﹗
今次終於可以做到一字排開咁食啦﹗Yeah ﹗

今次食飯仲有一個大發現呀﹗就係原來男仔啲專注力真係勁啲架﹗
點解咁講呢﹖

睇吓下面就知架喇....

嗱，就咁嘅，我哋好有家教，食飯之前一定 Stay 等嘅。
下面幾張相就係倒數嗰時影嘅。

Stay.....三.....

Stay.....二.....

Stay.....一.....

嗱嗱嗱，留唔留意到呀，全部女仔都望住數嗰個人嘅。

但係睇吓 薯仔 ，佢全程都好專注咁望住啲糧架﹗

唔怪之得啲人話男仔啲專注力天生好啲啦。
原來係真架﹗