古惑 Niza

今日番到屋企, 見到 Niza 用啲古惑眼神望望吓咁....

有幾古惑 ? 咁囉.....

有古怪 ! 即刻周圍睇吓啦.....
咦 ? 點解有啲雪嘅 ?

再睇真啲......噢! 原來係可憐嘅八爪魚先生嘔出嚟嘅

Niza !!!!!! 你做咗乜嘢好事 !!!!!!
Niza:  玩啦玩啦....玩啦玩啦..... .

......臭za 最叻扮無辜...

又有得睇海 !

Niza: 呢日又出街反 ! 又有得睇海 !
知唔知我去咗邊呢 ?

騎騎...有個碼頭架.....咪又係西貢碼頭囉.

好鐘意呢個草地呀. 放假嗰時超多朋友仔係度反架.......
今日唔通唔啱時候? 無乜人咁嘅???

海啊......仲有老人與狗 ?

行完海邊再入返西貢市入面 hea 吓. 呢處有好多寵物店架.
行完之後, 阿媽點都係要放底啲錢嘅.....

呵呵呵 ! 真開心. 但係今次都係無得食海鮮......

我的桌面

下面呢個係我的桌面, 覺得有咩特別呢?  又有乜好處呢?

呢個桌面同你用開嘅可能有以下嘅唔同:
1. 無 background 啲相
2. 無哂平時啲文件呀, Program呀啲 icon, 淨係得個垃圾筒
3. 無啲郁嚟郁去嘅公仔

嘩! 好 dry 喎....係架我認. 但係如果可以避免下面嘅事, Dry...so what?!
1. 畫面花到無朋友, 睇到眼花花

2. 啲 icon 多到密鋪平面咁, 要開份文件或者 program 都要搞一輪
3. 啲卡通公仔越嚟越多, 部腦越嚟越慢....

大佬, 部腦係件工具嚟. 用把菜刀做比喻,
先問菜刀要嚟做乜? 斬嘢吖嗎.
再問斬嘢最緊要係乜? 鋒利, 受力, 順手, 斬瓜切菜, 隨心所欲...係咪?
咁你貼啲公仔貼紙, 閃石, 雕龍雕鳳落去做乜?

同理, 電腦要嚟做乜? 上網, 文書工作, Edit 相等等.
咁做呢啲嘢部腦最緊要係乜? 快, 順, 清楚, 簡單....
咁你整咁多相喺個 background, 加咁多卡通公仔, 同成個桌面都係 icons 做乜?

Simple is beautiful.

如果真係想個桌面咁簡化, 咁啲文件同 program 放邊呀?
其實同做 filing 一樣, 分類, 存檔等等, 其實係電腦度有好多小工具可以幫手,
有機會再講.

芭蕾舞

Niza: 又俾阿媽攪啦, 笠咗舊騎呢嘢落我度唔知做乜.

Niza媽: 似唔似芭蕾舞裙呀? 跳隻舞嚟睇吓吖?
Niza: 又係噃, 好啦, 跳隻垂屎的天鵝你睇啦 !
Niza媽: 叻女 Niza ! 嘻嘻 !

Niza: (心諗)..見你咁高與, entertain 吓你咁喇.
Niza爸: (心諗)..咁肥嘅天鵝都真係少見

獅子會自然教育中心

Niza: 星期日同番茄, 奶茶, 麥皮, Fergie 仲有妹珠
去咗獅子會自然教育中心反. 呵呵呵, 我喪跑比賽攞第一 !
Yeah Yeah Yeah !
Niza 爸: 衰妹唔知醜, 一放繩就周圍走. 仲懶叻.

呢日唔知係咪天氣好, 一去到真係 poeple mountain people sea 咁.
跟住仲嚟咗幾個旅行團添! Oh. 想揾個少人啲嘅地方跑吓都唔容易呀.
估吓我哋行咗幾多處?

行到咁上下, Kero 同 Nano 仲有一大班朋友 Join 埋一齊玩.
嘩真係人腳同狗腳都咁鼎盛呀 !

玩到差唔多六點倒, 無哂電先番屋企, 真 Happy !
Niza無哂電會點? 咁樣囉...

後記:
妹珠越大越靚女呢! 腳仔短短咁好鬼得意. 依家唔會怕怕羞囉.

Fergie 轉咗個夏天 look. 依然係咁鐘意 soso, 果然係 Top PR ! 

Niza: 老豆做乜得咁少相嘅 ?
Niza爸: 嘩! 見到 7D 同 小小白 II 呢啲毒物, 我啲儍瓜機都係收埋算囉.
唔係攪到毒發身亡咪屎.

鬼天氣

呢排啲真係鬼天氣,
一係就凍到屎,
暖返呢就又濕又落雨,
攪到無得帶 Niza 去街.
悶到佢思覺失調咁嘅樣呀, 有無啲犀利哥 feel 呀?

無計喎, 睇吓窗外面...成日都真係煙雨濛濛咁. 點去街啫?

終於等到今日有啲陽光....嗱嗱聲帶 Niza 去 PetMax.
嘩 ! 睇佢開心到....笑到唔識停呀 !

狂玩完臨走發現原來又開始霧鎖香江. Yeah ! 真 Lucky !

俾Niza嘅手信

Niza: 老豆成個幾禮拜無 update 個 Blog. 攪乜鬼?
因為兩老去咗泰國玩囉.
丟低我喺爺爺度又唔帶埋我去.

好在阿媽唔買衫都買咗啲手信俾我. 算佢哋啦
睇吓俾我嘅手信啦.....

嘩嘩嘩嘩 ! 阿媽買到儍咗呀....