給十年後的 Niza

Niza: "狗生有幾多個十年? 最緊要活得痛快!"
老豆: 嘩! Niza 你唔係柴狗喎, 係貴婦狗咋噃. 攪乜咁誇呀?
Niza: 唔誇呀, 柴狗有幾個十年但我得一個咋!

老豆: 咁你想點呀?
Niza: 嘩! 我個大計梗係......十年都維持現狀啦.
老豆: 吓??? 咁就活得痛快架 la ?
Niza: 係呀, 依家已經好痛快架 la.
Niza: 你諗吓, 日日瞓到自然醒, 三餐有人待候...
Niza: 假日又例牌有得去玩啦, 游水, 行山, 跑步, BBQ, 識朋友同玩打交....
Niza: 最最最緊要係唔駛好似啲人咁, 日日做十幾個鐘,
做到成身病痛死死吓都唔知為乜咁呀!
老豆: ..............

Niza: 咪以為我唔識嘢呀! 最識嘆係我係我 Yo...

 
 

大龍躉呀 !

嘩 ! 真係幾大喎 !

吓 ! 有魚食咩 ?
唔係呀.....你睇吓......

OMG! 以前啲人話 "狗瘦主人羞". 依家睇怕係 "狗肥主人羞" 囉.

睇嚟玩具貴婦真係容易偏肥.
Niza 上咗堂之後, 因為練習食多咗好多零食.
不過一個月倒就見到呢條大龍躉 la !

為咗 Niza 健康着想, 依家開始咗體重管理:
目標: Keep 住體重及身形
1) 買咗個磅 Monitor 住 Niza 個體重, 同埋留意住個身形
2) 啲練習嘅 treats 用番哂狗糧
3) 每餐減糧 1/3
Keep 一個月睇吓再 adjust.

好怕 Niza 大大吓個身材要用一 "碌" 形容呀....

Niza 嘅主場

唔知係咪 Niza 畢咗業, 鬆咗口氣, 攪到 Update 個 Blog 都有啲懶懶哋咁....

Niza: 老豆直頭大食懶! 得閒都淨係帶我去主場, 我想去郊外大草地跑吓呀!
老豆: 衰女你叫得番就話啫, 去郊外你走到老連咁遠, 追你唔到點同你阿媽交代.
Niza: 唔係呀, 你叫我 wait 同 come 我都好聽話喎...


老豆: 喺係你個主場就係, 其他地方....嘿嘿嘿.

Niza 嘅主場....

睇佢開心到呢...變咗隻電兔咁樣.

Niza 畢業 lu !

今日 Niza 畢業 lu!

同學仔一齊影張畢業相啦 ! 卡刷 !

Niza: ....好彩我唔係黑色啫..唔係真係..."你睇我唔到.....你睇我唔到..."

Behind the scene:
Ding Ding: 好嘢! 畢業 lu! 開心到呢....要反轉再反轉先得 !

YoYo: Niza, 好唔捨得你阿! 第日好難揾狗狗咬啦....

YoYo: 臨別秋波.....都係要咬多嘢先 ....WuuuWuuu...

Niza: OMG! 真係買你怕喇

體重...點解係女性嘅秘密?

體重...點解係女性嘅秘密?
因為...見到會好容易失控!
睇吓 Niza 就知啦....

Niza: 又到磅重時間.....唔驚喎, 我 keep 得咁好, 係咪?

Niza: 吓! 3.8kg?! 唔係真嘅! 個磅壞咗jer....再磅多...幾次試吓先!

Niza: OMG!!! 真係 3.8kg? 唔係真嘅! 唔係真嘅! 真係唔係真嘅!!!....

.......Niza 失控中.......

Niza上第四堂

尋日 Niza 上第四堂 lu, Miss又讚 Niza 乖咗呢. 叻女!

Niza: 唉! 我有苦衷架.....

上堂嗰時又見到可愛嘅 YoYo...

見到 YoYo, 自然又俾佢追一餐啦....

Niza: 結果咪俾 YoYo 追到索哂氣, 想唔乖都唔得啦 !

上完課都幾晏lu, 不過都帶埋 Niza 去 PatMax 走個轉.
竟然都撞到番茹, 奶茶同麥皮! 真係開心 !
不過Niza一到, 佢哋就要走 lu. 哎吖, 唔記得影相添.

Niza: 真係可惜, 今次無得同番茄玩打交. 不過唔緊要, 下次再嚟 !
Niza: 認住我條尾啦. 拜拜 !

十一國慶

十一國慶, Niza係點慶祝呢?
Niza:嘩! 老豆, 成個禮拜之前囉, 仲講呀?
老豆:唔講由自可, 一講把鬼火!!!!一日最衰都係個和x寬頻, 我xyz佢@!#$!....
Niza:..er...老豆失控中.....

Niza:唉!其實我都唔想講, 我嗰日俾人出賣咗要我下海呀! er..唔係..下水至真!
Niza:睇吓我個無奈樣.....

Niza:我都有大聲叫"唔好"架, 仲想逃走呢! 嘩! 幾驚恐呀個樣.

Niza:但係最終都係走唔甩...嗚嗚嗚...

Niza:嗚嗚嗚...原來游水咁好玩架...衰老豆應該早啲帶我嚟丫嘛...嗚嗚嗚...
Niza: 番茄幾時再嚟玩多次? 等你狀態好啲再玩打交吖!

Niza瞓覺嘅地方

Niza媽真係錫到Niza燶架, 睇吓Niza依家瞓覺嘅地方就知一二.
你哋估吓Niza最鐘意瞓邊度呢?

Niza:你哋唔好儍la, 咁易俾你哋估到, 我仲點叫Niza! Hea Hea Hea!

Niza最鐘意嘅係.....
.......
.....
...
.
瞓係Sofa底....

和x寬頻要嚟做乜好 ?

提示食藥時間就最好 !
因為佢一日斷幾次, 每次幾個鐘.
一上到網就食藥, 等佢斷完再上到時, 又知係食藥時間la.

啲朋友問做乜咁多日無 update Niza 嗰 Blog 呢?
真係多得呢間和x寬頻囉 ! 每次想寫blog或者寫寫吓嗰時佢就同我斷線,
仲要一斷幾個鐘. 真係佢唔病, 攪到我病.


之前都已經係會斷, 兩日一次倒, 好, 我忍,
不過呢排一日斷幾次, 仲要每次幾個鐘喎 !
真係興到爆 ! 要xyz佢鑊甘甘甘 !


和x寬頻 CS, 對唔住, 成日要攪到你,
間公司咁, 俾我係你就真係走都走唔切!
保重身體 !