C服嘅地方....

剪咗毛之後, 成日覺得凉浸浸咁,
好在屋企有啲 C服嘅地方....

Poodle 同 拉布拉多有乜關係?

未剪毛同剪咗毛囉 !

Poodle.....

變身... 拉布拉多

老豆:

家居意外 !

原來唔單只出街先會有意外, 屋企都會有架.
真係唔好獨留狗狗係屋企呀....

老豆: 係你自己八卦之嘛

誰明浪子心...

今曰覺得自己好有浪子 feel, 等我唱番首陳年老歌先....
『可以笑的話, 不會哭, 可找到知己那會孤獨....』

乜嘢呀, 四個月大唔可以有浪子/女 feel 咩 !
睇吓我張畫, 要幾愴桑有幾愴桑, 唔係咩呀.

老豆: 明明成個洪七公咁, 浪乜呀浪, 乞兒妹就真 !

Niza: 老豆蝦人/狗嘅, 唔開心呀 !

老豆: 咁係丫嘛, 唔好咁少氣啦, 星期四等 Carol 姐姐幫你扮靚靚, 咪唔洗做乞兒妹囉.

Niza: 唉, 睇吓點....不過等我扮埋吸煙的女人先, 問你屎未 !

爆笑 Niza 豬

今日第二次落街行圈圈, 全程環境都幾好 ka, 鳥語花香,
令人心曠神怡. 以為好 Good 咁啦

點知行到差唔多番屋企, 意外就咁發生.....

尿兜要嚟做乜好呢?

要嚟喱埋就至正....

生日 !?

Happy Birthday ! ...Ur...今曰邊個生曰呢 ?
我? 我都想呀....不過我得四個月大咋噃....

靜靜話俾你知啦. 今曰係老豆生日呀.
但係唔好咁大聲呀, 佢係正宗 Kitdult 嚟,
呢幾年生日都灰爆咁屎樣 ka 喎.

咁呀, 唯有細細聲講 Happy Birthday 啦.....

老豆: 屎女包找屎囉. 亂up 24
Niza: 哎吔, 唔好嬲啦, 睇吓我個 Q 樣, 係咪好 Kawaii 呢 ?

老豆: 俾你激屎就真 !

又一個第一次

今日超興奮 !
先睇吓下面張相, 知唔知係乜 ?

無錯, 係電單車, 不過佢唔係普通嘅電單車, 佢係老豆架戰車.
今日就係我第一次坐佢啦. 嘩 ! 型到震呀 ! 路邊啲靚仔見到我
都吹哂口哨呀 ! Wa Ka Ka Ka !

老豆: 咪睇佢講到咁巴閉, 其實緊張到呆咗, 睇吓佢落咗車個迷茫樣.
笑死人就真

Count your blessing !

嚟咗老豆阿媽樹都一個月啦.
有時都真係會嫌吓呢嫌吓路. 好似點解老豆唔係億萬富豪,
阿媽唔係香港小姐, 屋企唔係半山獨立屋呀咁.

但係尋晚食飯見到兩個朋友仔之後, 唔夠膽嫌啦.
有隻柴犬佢主人要佢影相望鏡頭, 竟然係大大力拉耳仔,
拉到個頭對住鏡為止, 都唔理佢痛唔痛.
有隻臘腸狗嗰家人叫佢 sit , sit 之嘛, 個阿媽用脚踢狗背,
個仔踩住條尾, 個老豆成個拳頭喺面前話唔 sit 打到 sit...

嘩. 相比之下, 我真係生在福中不知福啦 ! Lucky ! Hea Hea Hea....

老豆: 笑騎騎, 放毒蛇 ? 搏乜呢 ?

路線圖?!

知唔知上面張圖係乜東東?
全部見到佢嘅人都笑到停唔到
每次見佢到同時都聽到扒扒扒, 達達達, 東東東聲.....

之咪 Niza 迷幻高速暴走嘅路線囉...
日日都 high 到要走幾轉. 好在呢樹無驗乜計劃. 唔係都幾唔得閒...

媽媽的素描

今日阿媽無端端同我畫咗張素描，佢話自己都幾有畫畫天份喎！
你哋睇吓係咪? .....大聲啲好喎.....Um....我話畫得真係好好 la.

老豆: 屎女包牙都未識刷就識刷鞋....

屋企嘅網絡

幾日無 update 個 blog. 有無掛住我呢？
唔好以為我好得閒呀, 相反呢幾日發生好多事呀。
等我之後先慢慢講啦。

點解幾日都無寫呢？咪老豆囉, 成日霸住屋企啲電腦, 一部都唔俾人用。
佢話要將屋企嘅網絡升呢喎！張圖真係睇吓都暈 @@

我同啊雞都頂唔住....

無端端升呢嚟做乜呢？

老豆: 都係因為你囉. 為咗要成日睇到你, 於是裝個 IP Cam; 為咗要收好你啲相, 於是裝個 NAS 做 backup; 然後覺得個 Network 慢, 又 upgrade 啲網絡 hardware 咁囉. 真係對你啊媽都無咁神心！

我要做 Model ！

尋晚有幾聲咳, 嚇到老豆即刻幫我着件衫衫.
突然間覺得斯文咗又靚咗...咳都唔理擺個靚 Post 影相先 ! 卡刷 !
係唔係好有做 Model 嘅 Potential 呢 !?

老豆: 屎女包着件衫一陣又嫌三嫌四, 同我跳脫衣舞...激屎我 

Ecstasy Baby

今日阿媽俾咗個新名我叫 Baby.....不過係 EcstasyBaby.
因為佢話我成曰勁喪跑同勁喪咬. High 到爆炸喎。

邊係！睇我個樣好天真同好傻咁. 不知幾咁 lady 係咪？

阿媽: 千祈唔好信佢呀！你睇吓佢...
迷幻暴走中之Niza....

小肥 Niza

今日家中赫然發現多了一塊小肥 Cushion....

老豆: Niza 係咪要減肥呢？
Niza: 好呀！等我食埋隻鳳爪先！Yumi Yumi ....
雞: 喔.....喔......

八號風球之夜

又來八號風球, 想起接Niza回家的當天正正是另一八號風球翌日呢！
聽人說很多狗狗都怕行雷閃电，所以今晚襯有空偷偷看看 Niza。
你估 Niza 有乜反應呢？

答案係.......無 ！ 仲要訓到豬咁

幾無儀態呢